Jammeh "kuachia madaraka na kuondoka"

 Saturday, January 21, 2017

Kiongozi wa Gambia Yahya Jammeh atawachia madaraka na kuondoka nchini Gambia, kwa mujibu wa maafisa wanaongoza mapatano.

Wapatanishi wa Afrika Magharibi watliumia masaa kadha wakikutana na bwana Jammeh siku ya Ijumaa kuzungumzia hatma yake.

Msafara wa magari uliowabeba marais wa Guinea na Mauritania, umeondoka makao ya Jammeh lakini hayaaminiwi kuondoka nchi humo.

Bwana Jammeh alishindwa kwenye uchaguzi wa mwezi Disemba na mrithi wake Adama Barrow ameapishwa.

Jammeh alikuwa amepewa makataa ya kuondoka madarakani kufikia saa sita mchana la sivyo aondolewe kwa nguvu na wanajeshi wanaoungwa mkono na UMoja wa Mataifa.

DSS TV TUNASIKITIKA KUTANGAZA KIFO

DSS TV tunasikitika kutangaza kifo cha Philipo Mwasomola (Chinga man) 

kilichotokea usiku wa kuamkia leo kwenye Hospitali ya Rufaa Mbeya     

BWANA Alitoa na Bwana ametwaa jina lake lihimidiwe.amina  

R.I.P PHILIPO 

                                                SIKU ALIOBARIKI NDOA

                                     R.I.P PHILIPO MWASOMOLA

Afukuzwa kazi kwa kumuita mke wa Obama sokwe

MICHELLE OBAMA,MKE WA RAIS WA MAREKANI BARACK OBAMA

Mwajiriwa katika shule moja jijini Georgia, Atlanta, Jane Wood Allen amefukuzwa kazi baada ya kuandika katika ukurasa wake wa facebook kuwa mke wa Rais wa Marekani, Michelle Obama amefanana na sokwe.

Katika taarifa yake, kiongozi wa shule hiyo alisema ubaguzi wa rangi na unyanyasaji hauwezi kuvumiliwa kwenye shule hiyo.

Msemaji wa shule hiyo, Jennifer Caracciolo alithibtisha kuwa uamuzi wa kumfukuza kazi Allen ulifanywa baada ya uongozi wa shule kuona andiko hilo kwenye ukurasa wake wa Facebook.

“Huyu sokwe ataishije kwenye ulimwengu wa kawaida akishaondoka ikulu, iwapo  matanuzi yake hayalipiwi na serikali.” Aliandika Allen kwenye akaunti yake

Rais wa Zambia aapishwa kwa muhula mwingine

Image captionLungu alipata asilimia 50.35 ya kura zilizopigwa

Rais wa Zambia Edga Lungu ameapishwa hii leo baada ya kuchaguliwa tena wakati wa uchaguzi wa mwezi Agosti.

Kuapishwa kwake kunafanyika baada ya upinzani kushindwa katika kesi ya kutaka matokeo ya uchaguzi kubatilishwa.

Image captionMwandishi wa BBC anasema kuwa takriban watu 60,000 wamefika kushuhudia kuapishwa kwa Rais Lungu

Mahakama ya katiba ilitupilia mbali kesi ikisema kuwa upinzai ulikuwa umeishiwa muda wa kupeleka suala hilo mahakamani.

Bwana Lungu alishinda uchaguzi wa tarehe 11 mwezi Agosti kwa asilimia 50.35 na kupita kiwango kilichokwa kuepuka kurudiwa tena kwa uchaguzi.

Image captionMgombea wa upinzani Hakainde Hichilema alishindwa kubatilisha matokeo ya uchaguzi mahakamani

Hakainde Hichilema ambaye alichukua nafasi ya pili kwa asilimia 47.63 anaendelea kupinga matokeo hayo.

Mwandishi wa BBC aliye kwenye uwanja wa National Heroes katika mji mku wa Zambia Lusaka, anasema kuwa takriban watu 60,000 wamefika kushuhudia kuapishwa kwa Rais Edga Lungu

CHANZO>BBC.

WAPINZANI WANYIMWA CHAKULA ZIMBABWE

Image captionRais Robert Gabriel Mugabe

Tume ya haki za binadamu nchini zimbabwe imesema kuwa watu wanaounga mkono upinzani, walio kwenye maeneo yenye ukame wamenyimwa misaada ya chakula na chama tawala cha ZANU-PF.

Mwenyekiti wa bodi maalum Elasto Mugwadi, amesema kuwa kwa sasa uchunguzi umebainisha kuwa watu wanaounga mkono upande wa upinzani wanaambiwa waziwazi kuwa hawatopewa msaada wowote wa chakula na inaarifiwa kuwa watu wengi wameathirika kutokana na hali hiyo.Taarifa ya serikali inaonyesha kuwa nusu ya wakazi wa vijijini wamekumbwa na njaa, jambo linalochochea kupingwa kwa utawala wa rais Mugabe.

Wakati huo huo mahakama kuu nchini humo imebatilisha marufuku ya maandamano yaliyokatazwa na polisi kwenye mji mkuu wa Harare. Ambapo marufuku hiyo ilidumu kwa muda wa wiki mbili.

Wanaharakati wanne wanaopinga utawala wa rais Mugabe ndiyo waliwashilisha pingamizi mahakamani kupinga uamuzi wa polisi kupiga marufuku maandamano kwenye mji mkuu wa Harare.

Hakimu wa mahakama kuu ya nchini humo amesema kuwa marufuku hiyo ya polisi ilikuwa batili. Siku za hivi karibuni kumekuewa na ongezeko la wimbi la maandamano nchini Zimbabwe, wakiandamana kuhusu mdororo wa uchumi nchini humo.

Maandamano makubwa yanaratibiwa na wanaharakati kupitia mitandao ya kijamii.

BREAAAKING NEWS_Kesi ya upinzani kupinga ushindi wa Edgar Lungu yatupwa mbali Zambia

Image captionRais Edgar Lungu wa Zambia

NA KENNEDY SIMUMBA DSS TV,

Mahakama ya kikatiba nchini Zambia imetupilia mbali kesi ya mgombea wa urais wa chama cha upinzani cha United Party for National Development Hakainde Hichilema na mgombea mwenza Geofrey Bwalya dhidi ya uchaguzi wa rais Edgar Lungu.

Katika uamuzi wa wengi ,jopo la majaji katika mahakama hiyo ya kikatiba liliamua kwamba mda wa mwisho uliowekwa kusikiliza kesi hiyo ulikuwa umekwisha.

Bwana Lungu alihifadhi kiti chake baada ya kujipatia zaidi ya asilimia 50 ya kura katika uchaguzi huo uliofanyika tarehe 11 mwezi Agosti.

Chama cha UPND cha mpinzani wake Hakainde Hichilema kilipinga matokeo hayo na kuwasilisha ombi la kuyapinga mnamo tarehe 19 mwezi Agosti.

Image captionHakainde Hichilema wa chama cha UPND Zambia

Sheria inasema kuwa mahakama ya kikatiba ina siku 14 kusikiliza kesi hiyo.

.Muda huo ulikumbwa na mabishano na ilipofika siku ya Ijumaa mawakili wa bwana Hichilema waliondoka katika mahakama wakidai ukosefu wa muda.

Mahakama hiyo iliendelea mapema leo na kutangaza uamuzi huo

Chuo kikuu kilichouza watumwa Washington, Marekani chajutia

Image copyright

Image captionChuo cha Georgetown kiliuza watu 272 ili kulipa madeni

Chuo kikuu kimoja nchini Marekani, ambacho kiliuza watumwa wakati biashara ya utumwa, kimeeleza kujutia kitendo hicho.

Chuo kikuu cha Georgetown, kinachopatikana mjini Washington DC, kimesema kitawapendelea wajukuu wa watumwa waliouzwa na chuo hicho karne ya 19 wakati wa kuwateua wanafunzi wa kujiunga na chuo hicho.

Mwaka 1838, chuo kikuu hicho kiliuza watu 272 ili kuweza kulipa madeni yake.

Waliouzwa walikuwa wanaume, wanawake na watoto.

Tukio hilo lilinakiliwa vyema na kwa sasa watafiti na wachunguzi wamefanikiwa kuwapata baadhi ya jamaa za watumwa waliouzwa.

Miongoni mwa hatua nyingine ambacho chuo hicho kinachukua ni kubadili majina ya majengo yake na kuyapa majina ya watumwa hao.

Aidha, chuo hicho kitafadhili taasisi mpya ya utafiti kuhusu utumwa.

TwFacebook

WAZIRI ALIYESINZIA MKUTANONI AUAWA KOREA KASIKAZINI

 Rais Kim Jong-un na mkewe Ri Sol-ju

Serikali ya Korea Kusini imesema waziri wa elimu nchini Korea Kaskazini ameuawa na maafisa wa serikali.

Waziri huyo wa elimu Kim Yong-jin anadaiwa kusinzia katika mkutano wa kiongozi wa nchi hiyo Kim Jong-un.

Baadhi ya ripoti zinasema waziri huyo, ambaye amekuwa pia akihudumu kama mmoja wa manaibu wa waziri mkuu, alitekwa na usingizi wakati wa mkutano huo jambo ambalo lilichukuliwa kama kumkosea heshima kiongozi huyo.

Maafisa wa Korea Kusini wamesema wanaamini waziri huyo aliuawa kwa kupigwa risasi mwezi Julai.

Serikali hiyo inasema maafisa wengine wawili walilazimishwa kwenda kuishi maeneo ya mashambani, "kupewa upya mafunzo".

Korea Kusini iliwahi kutoa taarifa kwamba kiongozi wa jeshi la Korea Kaskazini Ri Yong-gil alikuwa ameuawa mwezi Februari mwaka huu.

Lakini mwezi Mei mwaka huu, ilibainika kwamba alikuwa bado hai na alikuwa akihudhuria mikutano na hafla rasmi za serikali.

Mara ya mwisho Korea Kaskazini kutangaza hadharani kwamba ilikuwa imemuua afisa mkuu serikalini ilikuwa ni mwaka 2013 wakati mjombake rais wa nchi hiyo, Chang Song-thaek aliuawa mwaka 2013.

Tangazo la kifo cha Kim Yong-jin limetolewa na wizara ya muungano ya Seoul na limetolewa siku chache baada ya taarifa za gazeti moja kusema maafisa wawili wakuu wa Korea Kaskazini waliuawa kwa kulipuliwa kwa makombora ya kutungua ndege.

Gazeti hilo lilisema wawili hao waliuawa mapema mwezi huu.

Watu zaidi ya kumi wameuawa tangu Kim Jong-un achukue hatamu miezi mitano iliyopita.

Baadhi ya wachanganuzi wa masuala ya siasa wanasema huenda kiongozi huyo, mwenye umri wa miaka 32, hutumia njia ya kuwaua watu hadharani kusisitiza udhibiti wake kama kiongozi.

Waziri huyo alichunguzwa baada ya kusinzia mkutano wa Rais Kim Jong-un

Mapema mwezi huu, naibu balozi wa Korea Kaskazini nchini Uingereza aliikimbia nchi yake na kuhamia rasmi Kusini.

MAHAKAM YA NCHIN ZAMBIA YATISHA KIAPOCHA LUGU

Rais mteule wa Zambia, Edgar Lungu atalazimika kusubili kwa muda zaidi kuapishwa baada ya leo mahakama ya kikatiba nchini humo kuahirisha keshi ya kupinga matokeo ya uchaguzi iliyofunguliwa na mpinzani wake mkuu hakainde Hichilema.Mapema wiki iliyopita Hichilema alifungua madai ya kuhesabu upya kura za urais.Edgar Lungu ilikuwa aapishwe kesho lakini atasubiri kwa muda usiojulikana.

BREAKING NEWS:HAKAINDE APINGA MATOKEO YA UCHAGUZI MAHAKAMANI

HAKAINDE HICHILEMA (UPND)

NA KENNEDY SIMUMBA

Chama kikuu cha upinzani nchini Zambia UPND kimepeleka pingamizi mahakama kuu ya nchi hiyo kupinga matokeo ya uchaguzi uliofanyika mapema mwezi huu na kumuweka tena madarakani Edgar Lungu wa PF.Aliyekuwa mgombea wa urais kupitia chama cha PF Hakainde Hichilema amesema matokeo yaliyotangazwa si matakwa ya wazambia walio wengi na kuongeza kuwa kulikuwa na wizi mkubwa wa kura

MWENYEKITI WA KAMPENI WA TRUMP AJIUZULU

Image copyrightREUTERS

Image captionBwana Manafort alikuwa mshauri wa Rais wa zamani wa Ukrain Vickor Yanukovych

Mwenyekiti ya kampeni ya mgombea urais wa chama cha Republican nchini Marekani Donald Trump amejiuzulu miezi miwili tu baada ya kushika usukani.

Alichukua nafasi hiyo kama mwenyekiti wa kampeni, baada ya meneja wa zamani Corey Lewandowski kufutwa kazi mwezi Juni.

Mtaalamu huyo wa masuala ya siasa wa umri wa miaka 67, amekuwa chini ya shinikizo kufuatia uhusiano wake na rais wa zamani wa Ukrain Viktor Yanukovych ambaye anaipendelea Urusi.

Lakini haijulikani ni kwa nini aliondoka kutoka kwa kundi hilo la kampeni lililofanyiwa mabadiliko wiki hii kwa kuongezwa meneja mpya pamoja na mkurugeni mkuu.

Bwana Manafort amekosolewa siku za hivi karibuni baada ya gazeti la New York times kuripoti kuwa serikali ya Ukrain ilifichua ahadi za kumlipa dola milioni 12 kwa kumfanyia kazi bwana Yanukovych

CHANZO:BBC .

WATOTO WAINGIZWA KWENYE JESHI SUDAN KUSINI

Image copyrightAFP

Image captionPande zote kwenye mzozo nchini Sudan Kusini zimejihami vikali

Serikali ya Sudan Kusini imewaajiri watoto wavulana kama wanajeshi wakati huu inapojiandaa kwa mzozo mpya, kwa mujibu wa shirika la Associated Press.

Mwanasiasa mmoja mwenye ushawishi anaripotiwa kuongoza shughuli ya kuwaajiri watoto hao, wengine wakitajwa kuwa na umri wa hadi miaka 12 kutoka kijiji kimoja nchini humo.

Nyaraka zinaonyesha kuwa shughuli ya kuwaajiri watoto hao, ilifanyika muda mfupi baada ya baraza la usalama la umoja wa mataifa kuidhinisha azimio wiki moja iliyopita la kutuma wanajeshi 4000 kwenda Sudan Kusini, kuwalinda raia baada ya kuzuka mapigano mapya katika mji mkuu Juba mwezi uliopita.

Mapigano hayo yamekuwa kati ya vikosi watiifu kwa rais Salva Kiir na vile vya makamu wake aliyefutwa kazi Riek Machar ambaye tayari ameikimbia nchi hiyo.

Image copyrightAFP

Image captionZaidi ya watu 100,000 walikimbia makwao baada ya mapigano ya mwezi Julai

Shirika la kuwahudumia watoto la umoja wa Mataifa UNICEF linasema kuwa zaidi ya watoto 650 wameajiriwa na makundi yaliyojihami nchini Sudan Kusini tangu mwanzo wa mwaka huu.

UNICEF sasa ina hofu kuwa mzozo huo mpya huenda ukahatarisha maisha ya maelfu ya watoo na kutaka shughuli hiyo ya kuwajiri watoto isitishwe mara moja.

Pia inakadiriwa kuwa watoto 16,000 wameingizwa kwa makundi yaliyojihamia na pia jeshini tangu mzozo nchini Sudan kusini uanze mwezi Disemba mwaka 2013.

Akiongea baada ya kufanya ziara katika maeneo ya Bentiu na Juba nchini Sudan Kusini, mkurugenzi mkuu wa UNICEF Justin Forsyth, alisema kuwa kuna hofu kuwa huenda watoto zaidi wakaingizwa jeshini.

CHANZO:BBC

HABARI PICHA:VINYAGO VYA UTUPU VYA TRUMP

• 19 Agosti 2016

Huu hapa ni mkusanyiko wa picha kutoka Marekani, ambapo vinyago vya utupu vya mgombea urais wa chama cha Republican nchini Marekani Donald Trump viliwavutia sana wapita njia.

• REUTERS
  Vinyago vya utupu vya Donald Trump viliwekwa maeneo mengi ya miji ya New York, Los Angeles, Seattle, San Francisco na Cleveland nchini Marekani mnamo Alhamisi na kuwavutia sana watu.
• REUTERS
  Vinyago hivyo vinavyomuonesha Trump akiwa na sura ya ukali viliwekwa chini ya mradi wa INDECLINE, na viliundwa na msanii kutoka Cleveland.
• GETTY IMAGES
  "Ni kupitia vinyago hivi ambapo tunaonesha umma sura na sifa halisi ya mmoja wa wanasiasa wabaya na wanaochukiwa zaidi Marekani," INDECLINE walisema kupitia taarifa.
• GETTY IMAGES
  Wapita njia wengi walivutiwa na kufurahishwa na vinyago hivyo, baadhi wakiamua hata kuvibusu...
• EPA
  ...wengine walijaribu kuiga.
• GETTY IMAGES
  Kwa jumla, mradi huo ulionekana kuwasisimua sana Wamarekani.
• REUTERS
  Lakini wafanyakazi wa bustani na maeneo ya umma New York waliondoa vinyago hivyo. "NYC Parks inapinga vikali kuwekwa kwa vinyago visivyoidhinishwa katika bustani za jiji, bila kujali ukubwa wake," alisema msemaji wa Sam Biederman.
• AFP
  Maafisa wa kampeni wa Donald Trump kufikia sasa hawajazungumzia vinyago hivyo.

CHANZO:BBC