DSS TV CHEDDE ZAMANI official video HD 720p

RAIS MAGUFULI AONGOZA KUMUAGA SAMUEL SITTA NA ATUMA RAMBIRAMBI KIFO CHA MBUNGE HAFIDH ALI TAHIR

  Rais wa Jamhuri ya Muungano wa Tanzania Dkt . John Pombe Magufuli akitoa heshima zake za mwisho kwa aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

 Rais wa Jamhuri ya Muungano wa Tanzania Dkt . John Pombe Magufuli akimfariji Mama Margareth Sitta, Mjane wa aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016.

  Rais wa Jamhuri ya Muungano wa Tanzania Dkt. John Pombe Magufuli leo tarehe 11 Novemba, 2016 amewaongoza viongozi na wananchi wa Mkoa wa Dar es Salaam kuuaga mwili wa Spika Mstaafu wa Bunge la Jamhuri ya Muungano wa Tanzania Mhe. Samuel John Sitta aliyefariki dunia tarehe 07 Novemba, 2016 katika hospitali ya Technical University of Munich nchini Ujerumani.

Mwili wa Marehemu Samuel John Sitta umeagwa katika viwanja vya Karimjee Jijini Dar es Salaam ambapo Viongozi wengine waliojumuika kuuaga mwili huo ni pamoja na Makamu wa Rais Mhe. Samia Suluhu Hassan, Makamu wa Pili wa Rais wa Zanzibar Balozi Seif Ali Idd, Spika wa Baraza la Wawakilishi Zanzibar Mhe. Zubeir Ali Maulid, Rais Mstaafu wa Awamu ya Tatu Mhe. Benjamin Mkapa, Rais Mstaafu wa Awamu ya Nne Dkt. Jakaya Mrisho Kikwete, Makamu wa Rais Mstaafu Dkt. Mohamed Gharib Bilal, Mawaziri wakuu wastaafu Jaji Joseph Sinde Warioba na Frederick Tluway Sumaye, Katibu Mkuu Kiongozi Balozi John Kijazi, Jaji Kiongozi Mhe. Ferdinand Katipwa Wambali na Mkuu wa Mkoa wa Dar es Salaam Paul Makonda.

Baada ya kuagwa katika viwanja vya Karimjee, mwili wa Marehemu Samuel John Sitta umesafirishwa kwenda Dodoma ambako Wabunge, Viongozi wa Mkoa na wananchi watapata fursa ya kuuaga katika Viwanja vya Bunge na baadaye jioni utasafirishwa kwenda Tabora ambako maziko yatafanyika kesho Jumamosi huko Urambo.

Wakati huo huo, Rais Magufuli amemtumia salamu za rambirambi Spika wa Bunge la Jamhuri ya Muungano wa Tanzania Mhe. Job Ndugai kufuatia kifo cha Mbunge wa Jimbo la Dimani Zanzibar Mhe. Hafidh Ali Tahir kilichotokea majira ya saa 9 usiku wa kuamkia leo katika Hospitali ya Mkoa wa Dodoma.Mhe. Hafidh Ali Tahir amefariki dunia muda mfupi alipofikishwa hospitali baada ya kuugua ghafla.

"Nimeshtushwa sana na kifo cha Mhe. Hafidh Ali Tahir na ninakuomba Mhe. Spika Job Ndugai unifikishie salamu za pole kwa Familia ya Marehemu, Wabunge, Wananchi wa Jimbo la Dimani, Ndugu, Jamaa na Marafiki wote walioguswa na msiba huu.

"Tutamkumbuka Mhe. Hafidh Ali Tahir kwa mchango wake mkubwa alioutoa katika utumishi wa umma, katika michezo na akiwa mwakilishi wa wananchi, kwa hakika tumepoteza mtu muhimu sana" amesema Rais Magufuli na kumuombea Marehemu apumzishwe mahali pema peponi. Amina.

Gerson Msigwa

Mkurugenzi wa Mawasiliano ya Rais, IKULU

Dar es Salaam

11 Novemba, 2016

 Rais Mstaafu wa awamu ya Tatu Mhe Benjamin William Mkapa na mkewe Mama Anna Mkapa wakitoa heshima  za mwisho kwa aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

  Rais Mstaafu wa awamu ya nne Mhe jakaya Mrisho Kikwete na mkewe Mama Salma Kikwete wakitoa heshima za mwisho kwa aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

  Rais wa Jamhuri ya Muungano wa Tanzania Dkt . John Pombe Magufuli akimpa pole binti wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016.

 Rais wa Jamhuri ya Muungano wa Tanzania Dkt . John Pombe Magufuli akimpa pole Mhe. John Sitta, mtoto wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016.

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Nobemba 11, 2016

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

 ais wa Jamhuri ya Muungano wa Tanzania Dkt . John Pombe Magufuli akiwapa pole wanafamilia  wa  aliyekuwa Spika Mstaafu Marehemu Samwel John Sitta alipoongoza mamia ya waombolezaji kuuaga mwili wa kiongozi huyo mkongwe katika viwanja vya Karimjee jijini Dar es salaam  leo Novemba 11, 2016

MAJALIWA AONGOZA WABUNGE KUAGA MWILI WA MBUNGE WA DIMANI- HAFID HALLY TAHIR

Waziri Mkuu, Kassim Majaliwa akitia saini kitabu cha maombolezo ya kifo cha Mbunge wa Dimai Hafidh Ally Tahir, bungeni mjini Dodoma Novemba 11, 2016. (Picha na Ofisi ya Waziri Mkuu)

Spika wa Bunge, Job Ndugai akitoa heshima za mwisho kwa mbunge wa Dimani, marehemu Hafidh Ally Tahir kwenye viwanja vya bunge mjini Dodoma Novemba 11, 2016. (Picha na Ofisi ya Waziri Mkuu)

Waziri Mkuu, Kassim Majaliwa akitoa heshima za mwisho kwa mbunge wa Dimani, Hafidh Ally Tahir kwenye viwanja vya bunge mjini Dodoma Novemba 11, 2016. Mbunge huyo alifariki dunia mjijini Dodoma usiku wa kuamkia leo. (Picha na Ofisi ya Waziri Mkuu)

Waziri Mkuu, Kassim Majaliwa, Spika wa Bunge, Job Ndugai (kushoto), Waziri wa Nchi, Ofisi ya Waziri Mkuu, Sera, Bunge, Kazi, Vijana na Walemavu, Jenista Mhagama (wapili kulia) na Katibu wa Bunge, Dkt.Thomas Kashililah wakisubiri kupokea mwili wa Mbunge wa Dimani, marehemu Hafidh Ally Tahir kwenye uwanja wa ndege wa Dodoma ambako ulisafirishwa kwenda Zanzibar kwa Mazishi Novemba 11, 2016. (Picha na Ofisi ya Waziri Mkuu)

Waziri Mkuu, Kassim Majaliwa, Spika wa Bunge, Job Ndugai na Kiongozi wa Upinzania bungeni, Freeman Mbowe (kulia) wakishuhudia wakati mwili wa mbunge wa Dimani, Hafidh Ally Tahir ukipandishwa kwenye ndege katika uwanja wa ndege wa Dodoma ili kusafirishwe kwenda Zanzibar kwa mazishi Novemba 11, 2016. (Picha na Ofisi ya Waziri Mkuu

SITTA AIBUA HOJA YA "BUNGE LIVE" MWILI WAKE UKIAGWA DODOMA LEO

Askari wakiwa wamebeba jeneza lenye mwili wa marehemu, Samuel Sitta baada ya kuwasili kwenye Uwanja wa Ndege wa Kimataifa wa Julius Nyerere (JNIA), Dar es Salaam jana. 

 Shughuli za kuaga mwili wa Spika wa Bunge mstaafu Samuel Sitta aliyefariki dunia nchini Ujerumani, leo zitarejesha taratibu wa Bunge kurushwa moja kwa moja (live) kwa kuwa ndiye aliyeasisi utaratibu huo.

Tokea Januari mwaka huu, Bunge la 11 lilizuia kurusha matangazo ya shughuli zake moja kwa moja kwa madai kuwa ni gharama kubwa kufanya hivyo.

Hivi sasa shughuli za Bunge zinazoonyeshwa moja kwa moja ni maswali na majibu na hotuba za mawaziri wakati wa bajeti kuu.

Spika wa Bunge, Job Ndugai jana alitangaza bungeni mara baada ya kuwatambulisha wageni kuwa shughuli hizo zitarushwa moja kwa moja na vyombo vya habari hatua iyolenga katika kumuenzi muasisi wa utaratibu wa kurusha shughuli za Bunge moja kwa moja.

“Kikao hiki maalumu kitakuwa ‘live coverage’ (matangazo ya moja kwa moja) mtindo ambao ulianzishwa chini ya uongozi wake Spika wa kasi na viwango,” alisema Spika Ndugai huku akifunga vifungo vya joho lake la kuongozea Bunge.

Sitta licha ya kuwa mwanzilishi wa Bunge Live, pia alianzisha utaratibu wa maswali ya papo kwa papo kwa Waziri Mkuu kila siku ya Alhamisi wakati Bunge linapokuwa na mkutano wake, pia utaratibu wa Kamati za Bunge za Hesabu za Serikali kuongozwa na wabunge kutoka kambi ya upinzani.


Ndugai alisema wabunge wataupokea mwili wa Sitta kwenye Uwanja wa Ndege wa Dodoma, leo saa 8:00 mchana.

Alisema wabunge wote wanatakiwa kuwa wameketi ndani ya Ukumbi wa Bunge tayari kwa kikao hicho maalumu cha Bunge cha kihistoria kitakachoanza saa 8:30 mchana.

Alisema jeneza lenye mwili wa Sitta litawekwa mbele ya kiti cha Spika ndani ya ukumbi huo na kwamba wabunge watatoa salamu za rambirambi.

Spika alisema wabunge wote wataaga mwili huo, ingawa jenezahalitafunguliwa na kuwa shughuli zote za kuaga mwili huo zitafanyika kwa muda wa saa mbili walizopewa.

“Hatua hii itajenga msingi kwa Taifa ambapo viongozi wa kitaifa watakapofariki dunia, miili yao itakuwa ikiagwa kwenye Ukumbi wa Bunge ambako wawakilishi wa Watanzania wote wanapatikana badala ya kwenye Uwanja wa Taifa (jijini Dar es Salaam) na maeneo mengine,” alisema.

Ndugai alisema Waziri Mkuu Kassim Majaliwa na Kiongozi wa Kambi ya Upinzani, Freeman Mbowe wataongoza katika utoaji wa salamu za rambirambi kwa wabunge.

Alisema baada ya shughuli hiyo jeneza lenye mwili wa Sitta litatolewa nje ya ukumbi huo ili kutoa nafasi ya kutolewa hoja ya kuahirishwa kwa Bunge.

Alisema baada ya kuahirishwa kwa Bunge, wabunge watajipanga nje ya ukumbi huo na kupokezana jeneza hilo hadi kwenye gari litakaloupeleka mwili huo Uwanja wa Ndege wa Dodoma kwa ajili ya kusafirishwa kuelekea Urambo mkoani Tabora kwa ajili ya maziko.

Hata hivyo, alisema wabunge 10 ambao watateuliwa na Tume ya Utumishi ya Bunge kwa uwiano wa vyama watawakilisha Bunge katika shughuli za maziko hayo.

Alisema ujumbe huo utaongozwa na yeye mwenyewe (Ndugai) ambao utaondoka kesho (Jumamosi) na kurejea siku hiyo hiyo mjini Dodoma.

Ili kufanikisha kwa shughuli hiyo aliyoiita ya kihistoria, Waziri wa Nchi, Ofisi ya Waziri Mkuu, Sera, Bunge, Ajira, Kazi, Vijana na Walemavu, Jenista Mhagama alitengua vifungu vya kanuni ili kuruhusu mwili na baadhi ya ndugu wa marehemu kuingia ndani ya Ukumbi wa Bunge.

Kanuni za Bunge zilizotenguliwa ili kuruhusu shughuli hiyo ni ni 139 (1), 143 (e) – (f) na 143 ili kuwezesha ndugu na jamaa wa karibu wa marehemu wasiozidi 12 na jeneza lililobeba mwili wa Sitta kuingia ndani ya ukumbi huo.



Samia aongoza waombolezaji

Wakati huohuo; Makamu wa Rais, Samia Suluhu Hassan jana aliongoza mamia ya waombolezaji waliofika kwenye Uwanja wa Ndege wa Kimataifa wa Julius Nyerere (JNIA), kuupokea mwili wa Spika Sitta baada ya kuwasili ukitokea nchini Ujerumani alikofariki dunia kwa ugonjwa wa saratani ya tezi dume.

Mwili wake uliwasili usaa 9:00 jioni kwa Shirika la Ndege la Emirates na kupelekwa nyumbani kwake Masaki Kinondoni ambako utalala.

Simanzi zilitawala uwanjani hapo baada ya Samia kumpokea mjane wa marehemu, Margareth Sitta ambaye alikuwa akimuuguza nchini humo.

Viongozi wengine waliofika kuupokea mwili huo ni Makamu wa Pili wa Rais wa Serikali ya Mapinduzi ya Zanzibar, Balozi Seif Ali Idi na Katibu Mkuu Kiongozi, John Kijazi.

Wengine ni Spika wa Bunge mstaafu, Pius Msekwa na Mkuu wa Mkoa wa Dar es Salaam, Paul Makonda na baadhi ya mawaziri.

Leo asubuhi mwili wa Sitta utaagwa katika Viwanja vya Karimjee na viongozi mbalimbali wa kitaifa na dini na mchana utaagwa na wabunge mjini Dodoma.

Jumamosi mwili wa Sitta utazikwa wilayani Urambo baada ya kuagwa na ndugu, jamaa na marafiki.

Akizungumza uwanjani hapo, Profesa Ibrahim Lipumba ambaye alikuwapo alisema Taifa limempoteza Sitta ambaye alikuwa mstari wa mbele kupambana na ufisadi. “Nimempoteza kaka yangu na kiongozi ambaye alikuwa mfano wa kuigwa katika nyadhifa alizozishika katika nchi hii,” alisema.

Msemaji wa CCM, Christopher Ole Sendeka alisema Sitta atakumbukwa kwa kuanzisha Mfuko wa Maendeleo ya Jimbo.

Alisema mfuko huo ulianzishwa ili kuwawezesha wabunge kuwaletea wananchi maendeleo bila kutegemea fedha za kuomba kutoka kwa matajiri.

DSS TV: NDANI YA HIGHLANDS FM RADIO

DSS TV MBEYA A BA LE FANTASTIC 92.7

DSS TV:WANAKULETEA UZINDUZI MKALI WA ALBUM YA VIDEO YA MAN CHENCHELE 13/11/2016 UWANJI HILL MPEMBA

Dss tv inakuletea mfululizo wa mahojiano ya wasanii watakaosindikiza uzinduzi wa Albam ya MAN CHENCHELE kwenye ukumbi wa Uwanji Hill Mpemba juma pili Novemba 13,2016

PRESENTER MR-T HIGHLANDS FM RADIO 

92.7 MHZ 

"SAUTI YAKO"

ANGALIA VIPINDI PIA KWENYE CABLE

Rais Magufuli Atuma Salamu za Rambirambi Kufuatia Kifo cha Spika Mstaafu Mhe. Samwel Sitta.

Rais wa Jamhuri ya Muungano wa Tanzania Dkt. John Pombe Magufuli amemtumia salamu za rambirambi Spika wa Bunge la Jamhuri ya Muungano wa Tanzania Mhe. Job Ndugai kufuatia kifo cha Spika Mstaafu na Mbunge Mstaafu wa Jimbo la Urambo lililopo Mkoani Tabora Mhe. Samwel Sitta.

Mhe. Samwel Sitta amefariki dunia usiku wa kuamkia leo katika hospitali ya Technical University of Munich nchini Ujerumani alikokuwa akipatiwa matibabu tangu mwezi uliopita.

Katika salamu hizo, Rais Magufuli amesema amepokea kwa mshtuko na masikitiko makubwa taarifa za kifo cha Mhe. Samwel Sitta na kwamba Taifa limempoteza mtu muhimu aliyetoa mchango mkubwa katika uongozi na maendeleo.

“Nitamkumbuka Mzee Sitta kwa uchapakazi wake, uzalendo wake na tabia yake ya kusimamia ukweli katika kipindi chote alichokuwa kiongozi katika ngazi mbalimbali za siasa na Serikali.

“Kupitia kwako Mhe. Spika naomba kutoa pole nyingi kwa Mke wa Marehemu Mhe. Magreth Sitta ambaye ni Mbunge wa Jimbo la Urambo na familia nzima ya marehemu, Wabunge wa Bunge la Jamhuri ya Muungano wa Tanzania, Wananchi wa Urambo Mkoani Tabora na watu wote walioguswa na msiba huu” amesema Rais Magufuli katika salamu hizo.

Dkt. Magufuli amesema anaungana na wafiwa wote katika kipindi hiki kigumu cha maombolezo na amewaombea moyo wa uvumilivu na ustahimilivu.

“Namuomba Mwenyezi Mungu aiweke roho ya Marehemu mahali pema peponi, Ameni”

Gerson Msigwa
Mkurugenzi wa Mawasiliano ya Rais, IKULU
Dar es Salaam
07 Novemba, 2016

USOME WASIFU WA SAMWELI SITTA 1942-2016

NA KENNEDY SIMUMBA DSS TV,

Samuel John Sitta alizaliwa Desemba 18, 1942 huko wilayani Urambo Mkoa wa Tabora. Sitta alisoma Shule ya Msingi Urambo kati ya mwaka 1950 – 1953, kisha alikwenda Wilaya ya Sikonge mwaka 1954 - 1957 na kuendelea na masomo ya “Middle School” katika shule ya “Sikonge Middle School”. Baadaye mwaka 1958 – 1963 alianza masomo ya sekondari Shule ya Wavulana Tabora yaani “Tabora Boys” kidato cha I – IV na cha V – VI.

Mara tu baada ya kuhitimu masomo ya sekondari, Sitta alijiunga Chuo Kikuu cha Dar es Salaam (UDSM) kusomea Shahada ya Sheria (L LB) mwaka 1964 na kuhitimu mwaka 1971.

Sitta amesoma shahada yake kwa miaka 7 kwa sababu mwaka 1966, wakati yuko mwaka wa pili na akiwa kiongozi wa wanafunzi UDSM, wanafunzi waligoma na kuandamana kupinga kujiunga na Jeshi la Kujenga Taifa (JKT) na kukatwa mishahara yao baada ya JKT. Hoja ya wanafunzi ilikuwa na mantiki kubwa, kwamba mbona vigogo wa serikali na wanasiasa wanalipwa mishahara minono na marupurupu makubwa?

Baada ya shinikizo hilo la wanafunzi Mwalimu Julius Nyerere alikubali kupunguza mshahara wake wa Sh4,000 bila kodi akaagiza pia mishahara ya mawaziri ipunguzwe kwa asilimia mbili. Miezi miwili baadaye akatangaza Azimio la Arusha (Februari 5, 1967) kuyapa uzito malalamiko ya wanafunzi hao.

Watukutu wawili – Sitta na Wilfred Mwabulambo (Wote sasa marehemu) na wengine kadhaa – waliojitia wazimu na kutetea kile walichokiita haki zao, (haki za wakulima na wafanyakazi), walimshutumu Mwalimu Nyerere kwa maneno makali wakidai “…ni heri wakati wa ukoloni kuliko utawala wa Mwalimu”.

Mwalimu Nyerere alikasirika na kuwafukuza chuo wanafunzi wote 400 kwa kile alichokiita “kwenda kufunzwa adabu majumbani mwao”. Miezi kumi baadaye, baada ya Nyerere kushawishiwa na hasira kutulia akaamua kuwarudisha chuoni wanafunzi 392. Viongozi wa mgomo; Sitta na wenzake 7 walitiliwa ngumu, hawakurejeshwa chuoni.

Busara za viongozi wa chuo zilifanya Mwalimu aliliwe zaidi na kuandikiwa barua mbili maalumu na chuo zenye Kumb. Na. C3/Sa.13 ya 2/3/1967 na C3/Ss.13 ya 9/07/1967. Mwalimu alikubali kilio hicho na kuwaruhusu vijana hao wanane warudi kwa sharti kwamba wale watukutu wawili (Sitta na Mwabulambo) watandikwe viboko na “Mwalimu Nyerere” mwenyewe. Hii ndiyo ilikuwa pona ya Sitta ambaye alirejea UDSM na kuendelea na masomo kwa miaka kadhaa hadi alipohitimu mwaka 1971.

Wakati Sitta anarudi chuoni tayari alikuwa mwajiriwa wa Kampuni ya Mafuta ya “CALTEX OIL” kama Meneja wa Tawi (1967 – 1969) na mwaka 1969 – 1975 aliajiriwa na Shirika la Maendeleo la Taifa kama Katibu na Mkurugenzi wa Utawala.

Baadaye mwaka 1976 Sitta aliamua kujiendeleza kielimu katika masuala ya Usimamizi nchini Uswisi kwenye Chuo Kikuu cha IMEDE ambako alihitimu Stashahada ya Juu ya Usimamizi mwaka huohuo 1976.

Chini ya mfumo wa chama kimoja, Sitta alikuwa kiongozi wa juu wa CCM na serikali akiwa mbunge, mkuu wa mkoa na Waziri katika nyakati tofauti na ameendelea kuwa mbunge na waziri katika mfumo wa vyama vingi.

Sitta alimuoa Margareth Simwanza Sitta

MBIO ZA UBUNGE

Enzi za chama kimoja 1975 - 1995 Sitta alikuwa mbunge wa Jimbo la Urambo (kabla halijagawanywa na kuwa Urambo Magharibi na Mashariki) na pia alifanikiwa kuwa waziri kwa nyakati tofauti. Kwa mfano wakati wa kipindi cha mwisho cha Mzee Mwinyi, Sitta alikuwa Waziri wa Katiba na Sheria.

Mwaka 1995 Sitta aliingia kwenye mapambano mapya ya siasa za vyama vingi na kwa bahati mbaya akawa mmoja wa vigogo walioangushwa na wabunge wa NCCR. Mshindani wake mkuu alikuwa Msina Jacob Abraham. Msina alishinda kwa kura 10,788 dhidi ya 9,497 za Sitta.

Sitta alirudi tena kwenye jukwaa la siasa mwaka 2005 kwenye uchaguzi mkuu na aliwashinda wapinzani wake wakuu Lumatiliza Yotamu Lubungila wa NCCR na Wilson George Ntakamulenga wa CUF. Sitta alipata kura 28,660 (72.3%) na kurejesha heshima yake jimboni Urambo Mashariki. Kurudi kwa nguvu kulimpa nafasi ya kuwania na kuteuliwa na CCM kugombea uspika wa Bunge la Tanzania na akaliongoza Bunge la Tisa aliloliita bunge la Viwango Na Kasi "Speed and Standards" kwa mafanikio na changamoto nyingi.

Mwaka 2010 Sitta alishiriki tena uchaguzi Urambo Mashariki akawashinda wapinzani wake wakuu Msafiri Abdulrahmani Mtemelwa (CHADEMA) na Zombwe Lotto Edward (CUF) kwa kupata kura 19,947 (70.47%). Baada ya ushindi huo, Sitta alijaribu tena kuwania uspika bila mafanikio; utendaji wake wa kuiuma serikali na wakati mwingine kuipuliza kwenye Bunge la Tisa ulimfanya achukiwe na serikali.

Ilipoonekana ana nguvu akatengenezewa “chui wa karatasi” (mshindani), Andrew Chenge. Chenge naye akachukua fomu ya uspika ghafla, likatengenezwa ‘zengwe’ kuwa wagombea wote wana nguvu, hapo CCM ikapata mwanya wa kutamka kuwa haiwataki wote ili kuondoa mvutano. Sitta akapoteza ndoto za uspika na ukahamia kwa mwanamama Anne Makinda.

Rais Jakaya Kikwete alipotangaza Baraza la Mawaziri mwaka 2010 alimpa Sitta Wizara ya Afrika Mashariki kama Waziri,vilevile alihamishiwa Wizara ya Mawasiliano na Uchukuzi.

MBIO ZA URAIS

Samuel John Sitta alianza mbio za urais “kimyakimya” tangu alipokuwa Spika wa Bunge la Tisa (2005 – 2010). Kuna nyakati alikuwa akitoa kauli zinazoashiria kuwa nchi inayumba na haina uongozi thabiti huku akionyesha kuwa nchi ina viongozi thabiti na hawajapewa uongozi mkuu wa nchi, akiwemo yeye.

Hata alipoliongoza Bunge la Katiba mwaka 2014, mara nyingi Sitta alionekana kama mtu mwenye shauku kubwa na urais na alipohojiwa, mara kwa mara, juu ya urais alionyesha ana ndoto hizo. Mara kadhaa, alilalamika kuwa wala rushwa wakubwa wanampiga vita kwa sababu ni msafi.

Katika Uchaguzi wa 2015, Sitta alitangaza nia ya kuwania Urais na alichukua fomu ya kugombea urais kupita chama cha Mapinduzi ambapo baada ya uchaguzi wa ndani chama, John Magufuli ndo jina lililofanikiwa kupenya na kuteuliwa na chama kugombea Urais wa Tanzania.

Mungu Ailaze Roho Ya Marehemu Mahali Pema Peponi Amen.

BREAKING NEWS ... SPIKA MSTAAFU SAMWEL SITTA AFARIKI DUNIA

TANZIA: Aliyekuwa Spika mstaafu wa Bunge na Waziri Mwandamizi Mhe. Samuel Sitta amefariki dunia usiku wa kuamkia leo huko Ujerumani akiwa katika matibabu... Poleni ndugu , jamaa na marafiki wote na Mungu ailaze Roho ya Marehemu mahala pema peponi Amina.

OSWE GIRLS SECONDARY SCHOOL GRADUATION 2016

DSS TV: ANGALIA MAHOJIANO YA JAMES ALINANUSWE

USIKOSE KUANGALI KIPINDI CHA VILIVYOPO KWUETU NA NA JAMES ALINANUSWE

Tangaza Biashara na DSS MEDIA  kwa mawasiliano: Instagram Dss Media, WhatsApp 0759070102, Facebook Page Dss Tv, You Tube Dss Tv Tunduma Tz, Blog Www.sadikitv.blogspot.com, Gmail dsssangaproduction@gmail.com